اشترى عربيتك المستعمله لوحدك بدون خبراء

ACE · 10-10-2008, 07:49 AM

هحاول اشرح فى الخطوات اللى جاية ان شاء الله .. ازاى تشترى عربية مستعملة و انت لوحدك بدون مساعدة احد أو على الاقل تبقى فاهم و لديك انطباعك و خبرتك الذاتية مهما كان معك احد يحاول التاثير عليك

ملحوظات هامة :
1-هذا الموضوع مناسب للسيارت من التسعينات و حتى الآن و ليس قبل ذلك

لا يمكنكم مشاهده باقي المشاركة لأنك زائر ...
فإذا كنت مشترك مسبقا معنا فقم بتسجيل دخول بعضويتك للمتابعة وإذا لم تكن فيمكنك تسجيل عضوية جديدة ( من هنا )

ACE · 10-10-2008, 07:53 AM

11-المساعدين
وقوف السيارة كلها على خط افقى واحد (يعنى مفيش جهة اعلى من التانية لا ورا ولا قدام)
غند الضغط على ركن من اركان العربية بتطلع تانى لفوق بنعومة و ثبات (غير متقطع فى الطلوع )
عدم وجود اى اثر لزيت او تنضيف حديث ليهم ( بيبقوا فوق العجل و ماسكين العجل بالعربية على شكل عمود رفيع رأسى )
14- نظرة بسيطة على اسفل السيارة
عدم وجود اى اثر لأنخفاضات او ألتواءات
عدم وجود صداء (برومة )
عدم وجود اى اثار لزيوت او شحومات قديمة
علبة الشكمان سليمة و مش مصدية و مفهاش لحا مات و خصوصاً فى المناطق الضيقة اللى بتوصل جزء للآخر

من الداخل : بعد ما خدت لفة حوالين العربية ... افتح الباب و ادخل عشان تقعد فيها ..بس سيب الباب مفتوح و انت بتقعد
لو لاحظت ان سفل ضلفة الباب بينزل لتحت (بيقرب من الارض ) كتير وانت بتقعد فى العربية يبقى العفشة ضعيفة و المساعدين تعبانين ...
-لاحظ كاوتش الباب و حالتة
-لاحظ حلق الباب كلة (اى صداء -خبطات -لحامات -التواءات )
-لاحظ القايم (على يمينك اللى واصل بين اسفل العربية و السقف )
اى التواءات -اثر لحام قديم -فوارق بينة و بين السقف ......علامة سيئة جداً

خلاص اقفل الباب و خش العربية اقعد فيها
-فرش الصالون
وجود فرش اضافى ...... (غير جيد) شيلة و بص تحتية
الفرش الاصلى متناسب مع عمر العربية .......(ممتاز)
الفرش الاصلى اقل من عمر العربية مع وجود فرش اضافى .......(جيد)
الفرش الاصلى وحش و متبهدل .......(سىء)
-فبر التابلوة
فبر التابلوة متناسب مع عمر العربية (ممتاز)
فبر التابلوة بيلمع...... (غير جيد)
فبر التابلوة وحش و مشقق (سىء)

-فرش الصالون ..اى اثر لخياطات او ترقيعات او حتت متاكلة و شوف الدواسات و فرش الابواب و الحالة العامة لكل التنجيد الداخلى و مقايستة بعمر العربية ومناسبتة لنمط شخصية البائع
-السقف الداخلى ..ملاحظة اى فوارق او هبوطات او اثار فك و تركيب فى كل السقف و التقائة بالجوانب اللى شاية السقف كلة
-الدواسات اصلية ولا لأ و هل فى تحتها اى تأكلات او اثار لآحتكاكات مستديمة
-الجزء اسفل التابلوة
متقفل كويس و علية تراب ....( ممتاز)
متقفل كويس ....( جيد)
مفارق و فية اثار فك و تركيب ....( سىء)
مفتوح و فية اسلاك واضحة ......(سىء جداً) مؤشر لحالة الكهربا العامة فى العربية
-لوحة العدادات
اى فوارق بين الزجاج بتع العدادات و التابلوة .....(سىء)
-درج التابلوة
نضيف و متقفل من اخرة كويس ....(ممتاز)
مليان حاجات و مكركب ....(غير جيد)
ضهرة واقع و متبهدل من جوة ...(سىء)
-فرامل اليد ..... وانت قاعد جوة العربية شد فرامل اليد للآخر ولاحظ الاتى
فرامل اليد بتتطلع بصعوبة وبتقف ببطىء فى الاخر ......(ممتاز)
فرامل اليد بتتطلعبراحة و بتصد فى الاخر بنعومة (غير جيد)
فرامل اليد بتتطلع مرة واحد بسهولة و بتصد فى الاخر مرة واحدة (سىء)

المصدر: Egy4Life http://www.egy4life.com/vb/showthread.php?t=78

انزل من العربية وروح شوف الشنطة

افتح الشنطة ولاحظ بتتطلع لفوق ازاى (بسهولة بتترفع لوحدها -بصعوبة -بتقع تانى )
شيل فرش الشنطة و بص تحت الفرش
لاحظ اى .. صداء (برومة -انخفاضات -اثر لحامات -شحومات -زيوت) كل دى علامات سيئة
بص على اركان الشنطة اللى خلف الفوانيس الورانية
لاحظ اى اثار لفك و تركيب -اسلاك بارزة -خبطات (مسمعة جوة )
شوف حالة الاستبن
استبن اصلى ......(ممتاز) ساعات بيبقى اصغر من كاوتش العربية العادى (بعض العربيات )
استبن بحالة كويسة .....(ممتاز)
استبن حالتة اسواء من حالات الكاوتش اللى متركب فى العربية ......( سىء)

حالة الموتور :
تعالا قدام الكابوت ..افتحة ..
1-اللون و الشكل
ملاحظة لون داخل الموتور (حوض الموتور) نفس لون العربية ولا لآ
-نفس لون و درجة العربية ...(ممتاز)
-اقل من درجة لون العربية (فى اللمعان )....(جيد)

-متبهدل كتير عن العربية ...(

سىء)

2-الحالة العامة

ملاحظة الاركان الجانبية فوق و تحت -الوصلات -عدم وجود اى اثار نشع زيت فوق و تحت -

مستوى السوائل فى مختلف العلب -عدم وجود اى اثار لحامات او شروخ او تغطيات -البطارية عليها شحم او املاح (بيضاء) - السيور ناعمة و مش ناشفة ولا مشققة -عناصر تركيب الفوانيس من ورا ثابتة و مش مفكوكة قبل كدة -علبة الريداتير مش مصدية -وش الموتور (السدر) من الناحية المتصلة بالكابينة العزل فيها ماسك نفسة و مش واقع و مفيش اجزاء مصدية الاجزاء فوق العجل(العلب) مفيش فيها لحامات ولونها ذى الباقى -الخط العرضى اعلى حوض الموتور مستوى و افقى

اطلب من البائع يدور العربية و انت واقف قدام الموتور ولاحظ الاتى

-فى صوت قفشة فى التدوير ولا دارت بنعومة

-صوت الموتور نغمة واحدة ولا فيها تقطيعة او ذبذبة

-فى صوت ورة او صفارة صغيرة

-اطلب منة يزود بنزين و شوف .. الصوت بيعلى على وتيرة واحدة ولا بيقطع و فى اصوات تانية دخات فى الموضوع

ابعد عن العربية فى اتجاة عمودى ...وشوف فى اى دخان او بخار طالع مهما كان مش ملحوظ فى زغللة و (ظاهرة السراب) يعنى حرارة طالعة اعلى الموتور ولا لأ

ارجع تانى للعربية ..شامم اى ريحة

شوف مروحة الرياتير اشتغلت ولا لسة

حط ايدك على الريداتير ... تستحمل تحط ايدك ثانية واحدة ولا بقى سخن و مولع جداً

اطلب من صاحب العربية يلف الدركسيون للآخر مرة يمين ومرة شمال

-ما سمعتش اى صوت و انت واقف فوق الموتور ...(ممتاز)

-سمعت صوت طقطقة او صفارة خفيفة اوى ........(سىء)

ارجع ورا العربية و حط ايدك قدام فتحة الشكمان

سد بأيدك فتحة الشكمان لمدة ثانية واحدة ..لقيت ممانعة و قوة بتبعد ايدك جامد يبقى...( ممتاز)

....شيل ايدك و بص فيها

ايدك نضيفة و معلهاش اى حاجة ..(ممتاز)

المصدر: Egy4Life http://www.egy4life.com/vb/showthread.php?t=78

مفيش اى حاجة بس فى اى حاجة ولو بسيطة بتطلع من الشكمان سواء (مياة -رزاز-نقط سوداء -دخان بسيط) .....(غير جيد)

فى اى اثار لنقط سوداء على ايدك ...(سىء)

يتبع

ACE · 10-10-2008, 07:53 AM

ادخل جوة العربية تانى

لاحظ الاتى

1-لف الدركسيون... ذى ما كنت واقف امام العربية فاكر (اى تقطيع فى اللفة -تكات -صوت-)..(سىء)

2-جرب الزجاج الكهربا فوق و تحت الاربعة

المصدر: Egy4Life http://www.egy4life.com/vb/showthread.php?t=78

3-بص على مؤشر الحرارة

ثابت فى النص...(ممتاز)

بيشاور عقلة لقدام (سىء)

4-بص على لوحة العدادات

ال RPM مفروض يبقى بين 800 و 900 فى الطبيعى

5-شغل التكييف على البارد على اقصى درجة

ال Rpm هايعلى سنة لفوق ..دة كويس ...حط ايدك على فتحات التكييف ..بتطلع هواء بارد جداً و مستمر لفترة دقيقة لديقتين يبقى كويس

-ال RPm و التكييف شغال ثابت .....(ممتاز)

-ال RPm بيترعش و يطلع و ينزل .....(سىء)

5-شامم اى ريحة حاسس بأى صوت خفيف ...مفيش .. يبقى تمام

6-اطفى التكييف و خليك قافل الزجاج 3 او 5 ثوانى

-درجة الحرارة ما رحتش بسرعة ....(ممتاز)

-درجة فرقت وراحت بسرعة ....(سىء)

لحظة اتخاذ القرار

جمع كل النقاط السلبية و سيبك من اى عناصر ايجابية

لقيت عددها قليل ودرجة اهميتها بسيطة ....(يبقى هاتشترى العربية دى )

لقيت عددها مساوى او اكتر و درجة اهميتها عالية ....(يبقى سيبك من العربية دى )

افتح الباب و انت نازل من العربية واخد قرارك أة ولا لأ (مهما حصل بعد كدة مايفرقش معاك)

------------------------------------------------------

انزل و اتكلم مع البائع فى تمن العربية و فاصل و اذكر كل مدة احدى السلبيات اللى جمعتها فى دماغك (مش مرة واحدة) وحاول توصل معاة لآحسن سعر ممكن (بدون غتاتة طبعاً)

وتمنياتى بالتوفيق لكل اللى ناوى ينزل يجيب عربية مستعملة و معتمد على نفسة

ويارب يلاقى العربية اللى يتمناها و تسعدة

ويارب ربنا يديلة كل خيرها و يكفية كل شرها

و الف مبروك مقدماً

منقول بتصرف

**الوردة الحمرا** · 20-10-2008, 11:35 AM

هايل والله ياسمعة
موسووووعة

بس للأسف عشان موش هاعرف اعمل كل ده
اشتري احسن عربية بابا
واللي نعرفه احسن م اللي مانعرفوش
وبابا بقى يبقى يشتري عربية جديدة
بس هاجرب معاه تيكنيك الفصال ده
هههههههه

جزاك الله خيرا يا سمعة
وبرافو عليك يا جوجل
رغم الحاقدين والحاسدين

ACE · 20-10-2008, 01:50 PM

اقتباس:

المشاركة الأصلية كتبت بواسطة * emy *

هايل والله ياسمعة

موسووووعة

بس للأسف عشان موش هاعرف اعمل كل ده
اشتري احسن عربية بابا
واللي نعرفه احسن م اللي مانعرفوش
وبابا بقى يبقى يشتري عربية جديدة
بس هاجرب معاه تيكنيك الفصال ده
هههههههه

جزاك الله خيرا يا سمعة
وبرافو عليك يا جوجل
رغم الحاقدين والحاسدين

فى الحاله دى بقى خدى راحتك فى الفصال
يعنى لو قالك 50000 الف قوليله 40000
ولو وافق قوليله وعلشان خاطر بنتك بقى ...............
يقوم يقولك 35
وتجيبى مامتك وتقوليله اكيد ماما ليها خاطر عندك
كام بقى ................
مش هوصيكى تيجيبى العائله كلها
المهم تاخديها ببلاش وتاخدى منه حق البنزين ههههههههههههههههههه

**ارزة من لبنان** · 20-10-2008, 10:12 PM

ايه ده كله يا سمعة هههههههههههههههههه
انا على كدة ممكن اصنع عربية اسهل بكتير من اني اشتري
بس بجد تسلم ايدك انت مش خليت ولا ثغرة من الثغرات تمر ابدا

ACE · 20-10-2008, 10:36 PM

اقتباس:

المشاركة الأصلية كتبت بواسطة ارزة من لبنان

ايه ده كله يا سمعة هههههههههههههههههه
انا على كدة ممكن اصنع عربية اسهل بكتير من اني اشتري
بس بجد تسلم ايدك انت مش خليت ولا ثغرة من الثغرات تمر ابدا

هههههههههههههههههههههه
اصل الموضوع بالنسبه لينا مهم
لان العربيات المستعمله هنا معظم الناس بتشتريها
وتلاقيهم خايفين لحسن يشترو عربيه وتطلع بايظه او محتاجه صيانه كتير
نورتى الموضوع يا ارزه

**الساحرة الصغيرة** · 21-10-2008, 12:45 AM

اقتباس:

المشاركة الأصلية كتبت بواسطة * emy *

هايل والله ياسمعة
موسووووعة

بس للأسف عشان موش هاعرف اعمل كل ده
اشتري احسن عربية بابا
واللي نعرفه احسن م اللي مانعرفوش
وبابا بقى يبقى يشتري عربية جديدة
بس هاجرب معاه تيكنيك الفصال ده
هههههههه

جزاك الله خيرا يا سمعة
وبرافو عليك يا جوجل
رغم الحاقدين والحاسدين

رغم الحاقدين والحاسدين?
ده انتي هتشوفي أيام

أنا بقي هتصل ب بابا اقوله بنتك دي نصابة

**الساحرة الصغيرة** · 21-10-2008, 12:49 AM

اه ده أنا نسيت اقولك ياسمعة شكرا ع الموضوع

مع تحيات:بروف نانه جاهين

**shalimar** · 21-10-2008, 01:39 AM

تسلم يا سمعه يا رب

انا كنت عايزة اشترى عربيه

بس بعد اللى قلته ده انا بفكر اشترى متوسيكل

فممكن بقى تقولى اعمل فيه ايه وانا بشتريه

ههههههههههههههههههههههههههههههههه